Тодруулга

Манай байгууллага 2006 - 5-р сарын 1-нээс үйл ажиллагаагаа явуулж эхэлсэн ба Шатрын дугуйлан, Хатгамалын дугуйлан, Гэр бүлийн амралт (Crissy Field дэх), Сан Франциско дахь Далайн Загасны аквариум, Хүүхдийн Баяр, Үндэсний баяр Наадмын Байт Сурын харваа, Их Тахилга Даншиг Наадмын хүүхдийн бөхийн барилдаан, “Back to School” өсвөр үеийн хүүхдүүдийн цугларалт, "Trick or Treat" Halloween-ий баяр, Хүүхдийн Сүлд Модны Наадам зэрэг олон хүүхэд гэр бүлийг хамарсан сонирхолтой арга хэмжээнүүдийг ивээн тэтгэж зохион байгуулсан.

Түүнчлэн бид Сан Франциско Бэй Ариа дахь 20 гаруй хүүхэд багачуудыг Эрүүл Мэндийн даатгалд хамруулж, Америкт Хөлний хүнд мэс ажилбар олон удаа хийлгээд нутаг буцаж буй Зоригт Хүү Энх-Амарын буцах зардалд хандив цуглууж Inlingua Хэлний төвийн туслах ажилтан Аюушсүрэнгээр дамжуулан илгээсэн. Мөн бид монголд буй ядуу дорой, өнчин хүүхдүүдийн "Вербист"Халамжийн төвд тусламжийн тоглоом, ном, хувцас хэрэглэлийг, Сансар хорооллын Саажилттай Хүүхдийн 10-р сувилал яслийн төвд хөдөлгөөн зүгшрүүлдэг хэрэгсэл, тоглоом, хувцасийг тусламжаар илгээсэн. Одоо дараагийнх нь ээлж ар араасаа гарч замдаа явж буй юм.

Ивээн Тэтгэгч байгууллагууд: Бэй Ариагийн Монголчуудын Холбоо, Замдаан сэтгүүл

Туслах, Сайн дурынхан: Энхзул, Түвшинтөгсийн гэр бүл, Жэй, Болортуяа, Алтанцэцэг ...

Хандивчлагч хувь хувь хүмүүс: Алтанцэцэг, Болортуяа, Эс-Олдох, Баярсайхан (Oak), Түвшитөгсийн гэр бүл, Загдхорлоо, Саруул, Галина, Цэрэнбат, Түвшин (Oak), Баярын гэр бүл (Сан Фр.), Давхарбаяр, Оюунаа, Л.Сарантуяа, О.Солонго...

Ta бүхний хүүхдийн төлөө гэсэн сайхан сэтгэл, нөр их хөдөлмөр, өгөөмөр хандивын хүчинд дээрхи олон арга хэмжээг зохион байгуулж Монгол хүүхдүүдээ баяр хөөр, инээд баясалыг бэлэглэсэн билээ. Цаашид ч гэсэн бид хамтран ажиллаж, бие биенээ дэмжин үйл ажиллагаагаа явуулбал Монголынхоо нэрийг авч явах үр хүүхдүүдийн маань соёл боловсролд нь үнэлж баршгүй хувь нэмэр болох юм.

Манай сургалт арга хэмжээнүүд хүүхдүүдэд үнэгүй явагдаж эхэлсэн бөгөөд бидэнд цаашдын үйл ажиллагаагаа тогтмолжин явуулахад санхүүгийн дэмжлэг туслалцаа хэрэгтэй тул та бүхэн хандив өргөнө үү! Таны өргөсөн хандив татвараас чөлөөлөгдөх болно.
Ta Хандиваа: Mongolian Youth International нэр дээр бичиж: 805 Leavenworth St, Ste #808 San Francisco, CA 94109
гэсэн хаягаар илгээнэ үү.
Таньд баярлалаа.